Loading...

17, జూన్ 2009, బుధవారం

పెదవి గుమ్మానికి చిరునవ్వుల తోరణాలు

పెదవి గుమ్మం దాటలేని మూగబాసలు
చిరునవ్వుల తోరణాలై కనువిందు చేస్తున్నాయి!

కదలివచ్చిన చూపులకిరణాలు
నునుమేని తాకిడికి పరావర్తనం చెందుతున్నాయి!

మౌనాల వెనక దాగిన పలుకులు
మనోకుసుమాన్ని వికసింప చేస్తున్నాయి!


కలల కదిలే స్వర్ణ భవితకు
కాంతులీనే శొభవై అగుపిస్తున్నావు!

వర్ణమయమై
విరులవనమై
మన బతుకు బాట సాగిపోనీ!!

-మందాకిని.