Loading...

22, నవంబర్ 2013, శుక్రవారం

రాయలసీమ ప్రజలెవరూ కోరలేదు!

రాయల సీమ ప్రజలంతా సమైక్య ఉద్యమం మొదలైనప్పటినుంచీ ఎంతో అంకితభావంతో పాల్గొంటున్నారు. ఎన్నో కష్టనష్టాలకోర్చి సమైక్యంగా ఉండాలని ఉద్యమం చేస్తున్నారు. అంతేకానీ తెలంగాణా లో చేరతామని దేబిరించలేదు. రాజకీయనాయకులు వాళ్ళ స్వప్రయోజనాలకోసం లేదా రాజకీయ లబ్ధి కోసం రాయల తెలంగాణ ప్రతిపాదన తీసుకొని వచ్చినారు. కలిసి ఉండాలని కోరేవారు విడిపోతామని కోరుతున్నవాళ్ళతో కలిసే ప్రస్తావన రాదు. ప్రజలు కోరుకోలేదు. స్వార్థపరులైన రాజకీయ నాయకులు పౌరుషం విడిచి పెట్టి కోరితే అది మీడియాలో వస్తుంది. తెలంగాణ విడిగా కావాలని కోరేవారు అది చూసి చదివి మాకు రాయలసీమ వద్దు, వద్దంటే సిగ్గు లేకుండా ఎందుకు వస్తారనడం సరికాదు. రాజకీయ నాయకులు చేసే కుయుక్తులు, వంకరమాటలు విని వాటికి ప్రజలను బాధ్యులను చేయవద్దు. రాయలసీమ ప్రజలు సమైక్యం మాత్రమే కోరుతున్నారని నేను భావిస్తున్నాను. ఒకరిద్దరు రాజకీయనాయకుల నుంచి తప్ప ప్రజలనుంచి ఈ విన్నపం వచ్చిందనటానికి ఏ సాక్ష్యమూ లేదు. కనీసం బలపరచనూ లేదు. ఐక్యతయే బలము.