Loading...

14, జనవరి 2012, శనివారం

నాగరికురాలు/డు-సంక్రాంతి


(తేటగీతి లో గీతమాలిక)


పచ్చపచ్చని పొలముల పంటలిల్లు
చేరుటన్నది యెఱుగని చిన్నవాడు
గంగిరెద్దుల కళలను కంటికింపు
చేయు ముగ్గుల గొబ్బిళ్ళ సిరిని దాను
చూసి ముఱియుట తెలియని శుంఠయయ్యె
నగరమందున పెఱిగిన నాగరికుడు
జనుల నెల్లర తోడుగ జనని వాడు
తనదు లోకమందెప్పుడు దానె మసలు
గుడిని దేవుడు తరలుట గొప్ప గాను
దీవనలనిచ్చి యూరిని తేరు లోన
నెల్లజనులను తోడుగా నేగుచున్న
సంబరాలను దానెప్డు జరుపుకొనడు
నేటి యాంత్రిక జీవిక నేమమిదియె
కథల వినుచును తలచును కల్పనలివి
యనుచు నవ్వును పల్లెల యందములను
విన్న క్షణమున నంతయు వేడుకగను!!

-----------లక్ష్మీదేవి

ఇది మగవాళ్ళకే కాదు ఆడవాళ్లకు కూడా వర్తిస్తుంది.

వ్యాఖ్యలు లేవు:

వ్యాఖ్యను పోస్ట్ చెయ్యండి