Loading...

2, ఏప్రిల్ 2011, శనివారం

జయము జయము భారతమా!

---విశ్వక్రీడా రంగం లో భారత విజయకేతనం--
నవ వసంతాగమనపు శుభవేళ విజయోత్సాహాలతో
ఉగాది పండుగ వేడుకలతో
ప్రియ భారత జనయిత్రికి
అనుంగు సంతానమై అలరెడి ఈ సంరంభంలో.......
మనకీ గౌరవాన్ని, సంతోషాన్ని ఇచ్చేందుకు రాత్రింబవళ్ళూ శ్రమించిన ఆటగాళ్ళకూ, వారి కుటుంబాలకూ, వారి గురువులకూ, సహాయకులకూ అందరికీ వేనవేలు ధన్యవాదాలు.

ఓరిమి తోడను మేలగు
కూరిమి తోడన్ జయింపఁ గోరిక జతగా
చేరిక గెలుపునుఁ బొందిరి!
వీరికి యాటలఁ దీటగు వీరులుఁ గలరా!!

      ----లక్ష్మీదేవి

1, ఏప్రిల్ 2011, శుక్రవారం

రారమ్మందుము రావమ్మా!


చిరునవ్వులు కురిపించగ
చిరువరముల మురిపించగ
సిరిసంపద లలరించగ

మరు మల్లెల తేరులలో
విరజాజుల మాలలతో

విరిబాలల "వరుల" సందడితో
మరులొలికెడి మురిపాలతో

ఖర పేరునిఁ "గల"" కాలమా!
రారమ్మందుము రావమ్మా!
     ---లక్ష్మీదేవి