Loading...

28, ఆగస్టు 2011, ఆదివారం

తెలుపు నలుపుల కాగితం!

పచ్చపచ్చని తోరణాల పండుగ పొద్దుల్లో
పసిడి మనసుల పిల్లవాండ్ర చిలిపి చిందుల్లో
నిజమైన "సు" ప్రభాతమైనదీ
కలవంటిదీ ఉదయకాలం!

తెడ్డు వేయక నీటి వాలుకు , గాలి వాటుకు
అడ్డు లేక సాగిపోయే పడవ పయనమ్మై
అడుగు లోన అడుగు వేస్తూ, తడబాటులందు
పడుతు లేస్తూ నడక నేర్చే బాబు పదమై

సాగుతుందీ జీవితం
తెలుపు నలుపుల కాగితం!

యుగయుగాల చరితవళ్ళో ఔను కాదని వాదనల్లో
నిజము నీడల జాడలున్నా తెలియలేని తెలియరాని
సుందర గందరగోళాలు
గెలుపెవ్వరిదీ కానివ్వని తర్కాలు

గతము తెలిసి భవిత దిద్దగ ఓర్పు నేర్పు లేవుగా
గంతకట్టిన కనులముందు గుంతలున్నా తెలియునా??????????
                 ------లక్ష్మీదేవి


వ్యాఖ్యలు లేవు:

వ్యాఖ్యను పోస్ట్ చెయ్యండి