Loading...

8, జనవరి 2010, శుక్రవారం

ఆవోగే జబ్ తుమ్ ఓ సాజ్ నా

"జబ్ వి మెట్" చిత్రంలోని " ఆవోగే జబ్ తుమ్ ఓ సాజ్ నా " అనే మంచి పాటకి అదే రాగంలో భావానువాదం చేశాను.
చిత్తగించండి. చెలి, చెలికాడు సమక్షంలో లేదా ఆ చుట్టుపక్కల ఉన్నారన్నప్పుడు ఆ ఉద్వేగం ఎలా ఉంటుందో  చక్కగా చెప్పబడిన పాట అనిపించింది. దాదాపు అదే  రాగంలో వచ్చేలా వ్రాసుకున్నాను.


నీ రాకతో......నే..మధుమాసమే
ఓ చెలీ....నా తోటలోనే...
కురిసేను తే......నె, కురిసేను తేనె చిరుజల్లుగా....
కలిసే....ఈ మదిని ఆమది... (నీ రాకతో)

కవ్వించే కాటుక కనులేలే
దోచేసే నా మది నీవేళే
రాసేనే లేఖలు వేవేలు
చేసేనే బాసలు ఏవేవో
కలిసేనులే......ఈ వనినే.....ఆమని....
కురిసేను తే......నె, కురిసేను తేనె చిరుజల్లుగా....
కలిసే....ఈ మదిని ఆమది...
(నీ రాకతో)

జాబిల్లి తోడుగ ఈ రేయి
నీవల్లే నా మది మురిసేనే
సాగేనే నీ కనుసన్నల్లో
చుక్కల్లా మెరిసేటి చూపుల్లో
కలలెన్నో మరి.....చిగురించేనిలా...
కురిసేను తే......నె, కురిసేను తేనె చిరుజల్లుగా....
కలిసే....ఈ మదిని ఆమది...
(నీ రాకతో)



వ్యాఖ్యలు లేవు:

వ్యాఖ్యను పోస్ట్ చెయ్యండి