Loading...

31, జనవరి 2009, శనివారం

రాధికా విరహ గీతి


జయదేవుని రాధిక విరహ ఘట్టం చదువుతుండగా
నా మనసులో రాధ గురించి ఎన్నో ఆలోచనలు. వాటినన్నింటిని కాగితం మీద పెట్టకుండా ఉండలేకపోయాను. అది ఈ గీతమై నిలిచింది. ఇప్పుడు అన్నిభావనాతరంగాలను పదిలంగా దాచుకునేందుకు బ్లాగు అందుబాటులోకి వచ్చింది. ఇక ఇందులో రాయకుండా (టైపకుండా) ఉండగలనా?

ఒంటరి మనసు తుంటరి తోడు కోరుకున్నదిలే !
చల్లని రేయి మల్లెల వేళ వేచి ఉన్నదిలే ! ||||

ఉరమున వాలే కోరిక తీర్చగ చేర రమ్మనెలే !
కరముల మాలలు వాడక మునుపే వేగ రమ్మనెలే!
వెన్నెల లోన ఉల్లమునందున
ఆశలున్నవిలే ! ||||

కన్నుల కన్నీరొలికే దాకా జాగు చేయకుమా!
వెన్నల మనసుల మీద కొంచెం జాలి చూపుమా!
నిన్నే నమ్మిన నెచ్చెలి నొకపరి
చెంత చేర్చుమా! ||||

ఎల్లలు లేని ఆకస వీధుల సంచరించెదమా!
కలువల తోటల కాసారమ్ముల సాగిపోదామా!
నవ్వుల పువ్వులు విరిసే చోటికి
చేరుకుందామా! ||||
-మందాకిని(లక్ష్మీదేవి)

13 వ్యాఖ్యలు:

  1. *నిందతి చందన మిందు కిరణమని
    విందతి ఖేద మధీరం ..........
    సావిరహే తవ దీనా రాధా .....
    రాధ చిత్రం అద్భుతంగా ఉందండీ !
    పరుగున రాడా మరి మాధవుడు !

    ప్రత్యుత్తరంతొలగించు
  2. రాధ కోసం మాధవుడు రాకుండా ఉండగలడా!
    విరహాన్ని జయదేవుడు సంస్కృతంలో అద్భుతంగా వర్ణించాడు.
    ఏదో నాకు తోచిన స్థాయిలో, నాకు తెలిసినంత తెలుగులో నేను వర్ణించకుండా ఉండలేకపోయాను

    ప్రత్యుత్తరంతొలగించు
  3. ఫోటో చాలా బాగుంది. ఎక్కడ సేకరించారో తెలుపగలరా?

    ప్రత్యుత్తరంతొలగించు
  4. నా పాట గురించి మాత్రం ఎవరు రాయట్లేదు...వా(...............
    గూగులమ్మలొ బొమ్మల అన్వెషణలొ బొలెడన్ని బొమ్మలు.

    ప్రత్యుత్తరంతొలగించు
  5. హా హ హ ఒక పని చేయండి ఆ పాట పాడి రికార్డ్ చేసి దానిని బొమ్మ క్రింద పెట్టండి అసలు మీరు యే రాగం లో పాడుతూ ఈ పాట రాసారో మాకు అర్దం అవుతుంది .. పాట బాగుంది

    ప్రత్యుత్తరంతొలగించు
  6. మందాకినిగారు,

    ఫోటోకంటే మీ పాట అదుర్స్ అండి.. నిజ్జంగా చెప్తున్నాను.

    ప్రత్యుత్తరంతొలగించు
  7. నేస్తం గారూ,
    అంత సీను లేదు లెండి. రాయడము గీయడము తప్ప పాడడం రాదు కాబట్టి బతికి పోయారు!
    హ.. హ.. హ..! (నిజ్ఝం ! నాకు రాయడం వచ్చనే నా నమ్మకం మరి!)

    ప్రత్యుత్తరంతొలగించు
  8. జ్యొతి గారూ,
    నిజం చెప్పనా! నా (సొంతదైనా) పాటలోనూ, దించుకున్న బొమ్మలోనూ భావం ఉంది కానీ, భావావేశం లేదని నాకు అనిపిస్తోంది.

    ప్రత్యుత్తరంతొలగించు
  9. బాగుందండి.
    ఘట్టన అంటే గట్టిగా తాటించడం. పదఘట్టన అంటే గట్టిగా చప్పూడయ్యేలా కాళ్ళతో నేలని తన్నడం .. పైన మీరు రాసిన ఉద్దేశం బహుశా విరహ ఘట్టం అయి ఉంటుంది.
    @పరిమళం .. నిందతి చందనం ఇందు కిరణం అనువిందతి ..

    ప్రత్యుత్తరంతొలగించు
  10. చెప్పడం మరిచాను. ఆ బొమ్మ ఒరిజినల్ గా ఇస్కాన్‌ వారి పుస్తకాల్లో ఉంటుంది.

    ప్రత్యుత్తరంతొలగించు
  11. కొత్తపాళీ గారూ!
    రెట్టింపు ధన్యవాదాలు. మీరు చెప్పినదే సరి. నేను గమనించలేదు. ఇప్పుడు సరి చేశాను.

    ప్రత్యుత్తరంతొలగించు
  12. చాలా బాగుంది. కృష్ణుని కోసం పాడుతూంటే కృష్ణ శాస్త్రి మెదిలాడేమో...అక్కడక్కడా మనసున మల్లెల మాలలూగెనే ఛాయలు కనిపిస్తున్నాయి... 👌

    ప్రత్యుత్తరంతొలగించు